काठमाडौं । प्रधानमन्त्री केपी शर्मा ओलीले बहुविवाहसम्बन्धी कानुन कहिल्यै लागू नहुने स्पष्ट पार्नुभएको छ।
मुलुकी संहिता दिवसको अवसरमा सिंहदरबारमा आयोजित कार्यक्रममा उहाँले भन्नुभयो, “बहुविवाहलाई कानुनी मान्यता दिने कुरा समाजले स्वीकार्दैन। कुनै हालतमा सरकारले यस्तो कानुन ल्याउने छैन। संसदमा ल्याउने वा पास हुने हल्ला गलत हो।”
उहाँले प्रतिगमनकारी कानुन ल्याउने कुनै योजना नरहेको बताएर सबैलाई फैलिएका अफवाहमा नलाग्न अनुरोध गर्नुभयो।
प्रधानमन्त्री ओलीको यो अभिव्यक्तिले बहुविवाहसम्बन्धी भ्रमलाई समाप्त पार्ने प्रयास गरेको छ।