काठमाडौं। राष्ट्रपति कार्यालय शिलतनिवासमा आयोजित विशेष समारोहमा नवनियुक्त दुई मन्त्रीले पद तथा गोपनीयताको शपथ ग्रहण गरेका छन्।
प्रधानमन्त्री सुशीला कार्कीको सिफारिसमा राष्ट्रपति रामचन्द्र पौडेलले डा. सुधा शर्मालाई स्वास्थ्य तथा जनसंख्या मन्त्री र बब्लु गुप्तालाई युवा तथा खेलकुद मन्त्रीको रुपमा नियुक्त गरेका हुन्।
सो अवसरमा अन्य दुई जना मन्त्रीको नाम पनि सिफारिस गरिएको थियो। तर खगेन्द्र सुनार र गणपतिलाल श्रेष्ठलाई अन्तिम समयमा रोकिएको थियो। प्रधानमन्त्री कार्कीले सुनारलाई श्रम तथा श्रेष्ठलाई भूमिसुधार मन्त्रीको रुपमा सिफारिस गरेकी थिइन्।
नवनियुक्त मन्त्रीहरूले आगामी दिनमा आफ्नो जिम्मेवारी कार्यान्वयन गर्दै सम्बद्ध मन्त्रालयको विकास र जनकल्याणका लागि काम गर्ने अपेक्षा गरिएको छ।