काठमाडौं । सर्वोच्च अदालतमा रिक्त न्यायाधीश पदपूर्तिका लागि सिफारिस गर्नेलगायतका महत्त्वपूर्ण एजेन्डामा छलफल गर्न न्याय परिषद्को बैठक भोलि मंगलबार बस्ने भएको छ।
प्रधानन्यायाधीश मनोजकुमार केसीको आह्वानमा बैठक भोलि दिउँसो १ बजे न्याय परिषद् सचिवालयमा बस्ने तय भएको हो। सर्वोच्च अदालतमा हाल चारवटा न्यायाधीश पद रिक्त रहेकाले तिनको पूर्ति गर्ने विषय बैठकको मुख्य प्राथमिकतामा रहेको छ।
प्रधानन्यायाधीश केसीको अध्यक्षतामा बस्ने यस परिषद्मा कानुनमन्त्री सोविता गौतम, सर्वोच्च अदालतका वरिष्ठतम न्यायाधीश सपना प्रधान मल्ल, महेशकुमार नेपाल र दामोदर खड्का सदस्यका रूपमा रहेका छन्। रिक्त पदमा योग्य र सक्षम व्यक्तिहरूको नाम सिफारिस हुने अपेक्षा गरिएको यस बैठकलाई न्याय क्षेत्रमा चासोका साथ हेरिएको छ।