काठमाडौं । डिजिटल माध्यमको प्रयोगबाट बढ्दो अपराध नियन्त्रण गर्न सरकारले ‘सूचना प्रविधि तथा साइबर सुरक्षा विधेयक, २०८२’ प्रतिनिधिसभामा दर्ता गरेको छ। सञ्चार तथा सूचना प्रविधि मन्त्री पृथ्वीसुब्बा गुरुङले २७ जेठमा दर्ता गराएको उक्त विधेयकले साइबर अपराधलाई कानुनीरूपमा परिभाषित गर्दै १८ प्रकारका कसुर छुट्याएको छ।

विधेयकमा विद्युतीय उपकरण, नेटवर्क, प्रणालीमा अनधिकृत पहुँचदेखि लिएर अश्लील सामग्रीको वितरण, व्यक्तिगत गोपनीयताको उल्लंघन, फिसिङ, स्पुफिङ, कृत्रिम बौद्धिकता प्रयोगजस्ता विभिन्न साइबर गतिविधिलाई स्पष्ट रूपमा कसुरको रूपमा उल्लेख गरिएको छ।

प्रत्येक कसुर अनुसार कैद, जरिवाना वा दुवै सजायको व्यवस्था गरिएको छ। विधेयकको परिच्छेद १४ मा ‘कसुर र सजाय’ सम्बन्धी प्रावधान छ भने दफा ८० देखि ९८ सम्म विभिन्न अपराध र तिनमा लाग्ने सजायका व्यवस्था छन्।

मुख्य १८ प्रकारका साइबर कसुरहरू र तिनीहरूमा हुने सजायको व्यवस्था