काठमाडौँ । सर्वोच्च अदालतले दशैं बिदाको अवधिमा पनि बन्दीप्रत्यक्षीकरण सम्बन्धी रिट निवेदन दर्ता र सुनुवाइ गर्ने भएको छ।
सर्वोच्च प्रशासनले जारी गरेको सूचनाअनुसार विजया दशमी, २०८२ को उपलक्ष्यमा मिति २०८२ असोज ६ गते घटस्थापनादेखि असोज २० गते कोजाग्रत पूर्णिमासम्म सर्वोच्च अदालत बिदामा रहनेछ। तर, न्याय प्रशासन ऐन, २०७३ को दफा २६ बमोजिम घटस्थापना, विजया दशमी, कोजाग्रत पूर्णिमा र शनिबार बाहेकका दिन बिहान ११ बजे देखि अपरान्ह ३ बजेसम्म बन्दीप्रत्यक्षीकरण सम्बन्धी रिट निवेदनमा सुनुवाइ हुने व्यवस्था गरिएको छ।
सर्वोच्च प्रशासनका अनुसार यस व्यवस्था मार्फत संवैधानिक अधिकारसम्बन्धी संवेदनशील मुद्दामा समयमै सुनुवाइ सुनिश्चित गर्न कदम चालिएको हो।
